Kitab Layang Anbiya`

by Jan 29, 2017Opini

A.ASAL USUL
Sumber tertulis baik berupa manuskrip maupun buku yang ditulis oleh keturunan Sunan Drajat, demikian pula sumber lisan yang berasal dari Desa Drajat dan sekitarnya baik keturunan maupun bukan, semua menyebutkan nama Sunan Drajat adalah R. Qasim. Beliau adalah putra dari Sunan Ampel.
Menurut “Pratelan adanya toeroenan dari tanah Perdikan (particulier) Drajat” Sunan Drajat yang juga bergelar Sunan Mayang Madu memimpin perdikan Drajat tahun 1487-1522.   Sunan Drajat memiliki lokasi yang dianggap tepat dan sesuai dengan persetujuan orang tuanya untuk mengembangkan ajaran Islam ialah wilayah pesisir utara Jawa. Pemilihan lokasi perjuangan itu telah diperhitungkan dengan matang oleh Sunan Drajat. Hal ini terbukti seluruh Wali Songo bertempat tinggal di sepanjang pantai utara Jawa, lima orang berada di wilayah Jawa Timur (Maulana Malik Ibrahim, Ampel, Giri, Bonang, dan Drajat), Jawa Tengah (Kalijaga, Kudus, dan Muria), seorang di Jawa Barat (Gunung Jati).
Tim Peneliti Sejarah Sunan Drajat telah menemukan 52 buah naskah (manuskrip) yang tergolong kuna,  di desa Drajat dan sekitarnya Naskah-naskah tersebut berisi cerita para Nabi (Layang Ambiya atau Tapel Adam), cerita tentang para wali, syariat (kitab fikh, salinan), tauhid, tasawuf/tarikat, akhlak, wejangan-wejangan tentang kehidupan bathiniah dan lahiriah.
Sunan Drajat mengajarkan agama Islam dengan cara yang populer lewat tembang pangkur dengan iringan gending. Dakwah lewat tembang dengan iringan gending tersebut dimulai di kampung Gendingan. Sumber tradisi lisan menuturkan, sebelum Sunan Drajat melantunkan tembang pangkur dan tembang-tembang lainnya, terlebih dahulu seperangkat gamelan  ditabuh di halaman langgar. Mendengar bunyi gending dari seperangkat gamelan yang mengalun pada malam hari, dapat dipastikan banyak orang yang tertarik dan mendatangi tempat itu. Gending-gending itu selain untuk menghibur mereka, yang utama adalah untuk mengiringi bait-bait tembang pangkur atau tembang-tembang lain. Tembang-tembang tersebut dipilih yang bisa membawa orang senang dan penasaran (Jawa = kepranan). Tembang-tembang yang bisa membawa hati menjadi penasaran umumnya tembang yang berisi cerita, seperti tentang asal mula kejadian alam, asal mula kejadian manusia pertama yang bernama Adam, dan cerita-cerita tentang Nabi-nabi serta negeri asing tempat mereka dilahirkan dan berjuang untuk menyiarkan agama Allah. Tidak mustahil jika Layang Ambiya atau Tapel Adam, pokok-pokoknya telah disampaikan lewat tembang oleh Sunan Drajat waktu itu.
B.BENTUK DAN ISI KITAB LAYANG ANBIYA’
Kitab Layang Anbiya’ ditulis dengan bahasa jawa madya dalam bentuk bahasa jawa pesisiran yang ditranslitrasi dari huruf arab pegon yang dalam penulisan ini disuguhkan dari pembukaan, inti dan akhiran secara cuplikan.
Dalam penyuguhan kitab Layang Anbiya’ ini belum diproses penerjemahannya jadi masih pada tahab translitrasi.
Secara ringkas kitab Layang Anbiya’ membahas tentang penciptaan awal kejadian alam, asal mula kejadian penciptaan Nabi Adam AS, dan cerita tentang nabi-nabi dari nabi Adam AS sampai Nabi Muhammad SAW, bahkan sampai peristiwa akhir hayat Nabi Muhammad SAW. dan diakhiri dengan do’a penutup kitab.
B.1. MUQODIMAH
BISMILLAHIRRAHMANIRRAHIM
Awit muji ing Allah, kang murah ing dunya (dunia) salire, ingkang asih ing akhirat, kang pinuji tan pegat, kang asung suarga luhur, angapura ingkang dusa.
Sampune muji Hyang Widi*, amuji Nabi Muhammad, klawan kulowargane,  Rasuulihi Muhammad*, kang Radliyallahu ‘Anhum, Ashabihi Ajma’in.
Wonten carito winarni, tumeraping delencang kertas, saking Qur’an pingkane, sampun binasaaken Jawa, ing tafsir rinumpaka, dados carita satus, awarta “LAYANG ANBIYA”.
B.2. RUH IDLOFI
Awiting tutur puniki, tetkala Allah akarsa, andadeaken ing salire, pitung bumi pitung kasa, Arasy Kursi Loh qalam, Suarga Neraka pitu, meyang sagung mahluk sedaya.
Ingkang tinitah karihin, dining Hyang punika cahya, pira-pira antarane saking kudrating Pangeran, kang cahya dadi suteya, sampun pitung laksa tahun,ingkang suteya dadi toya. Pitung laksa tahun malih, muruh kumukus mering tawang, wus pitung laksa tahune, kukus dadi langit sapta, dining uwuh punika, dadi bumi lapis pitu, awiyar kang bumi kasa. Yata bunder-bunder sami,wiyaripun awetara, yen paksi kebat ibere, lampahan sewu warsa, saluhure akasa, arasy kursi qalam eluh, luhur maleh Dinding Jalal. Pan kawengku langit  iku, lintang wulan lawan surya, lan nitahaken Hyang Manan. Pira-pira Malaikat, dadi saking dahana, katah warnane winuwus, samai muji ing Allah. Lan andadeaken malih, ing Sajaratil Muntaha, tan wali-wali karsane, Maha Suci ning Pangeran, kucap ing dalem Qur’an, Allah Ta’ala nabda KUN, FAYAKUN sampun gumelar. Mengkana sampun adadi, bumi pitu langit sapta, miyang isinira karane, lan ing antarane pisan, ing jagat wus samapta, saking karsane Hyang Agung, dalile sajerone Qur’an. Pan : Fi Sittatin Ayyaamin Tsummas Tawa ‘Alal ‘Arsy mapak luhure arasy, pan wanten pituturipun, Nabi Muhammad Musthofa.
Kang tinitahaken dihin, dining Hyang-Ruh Muhammad, pinencar dadi salire, kang dlahir miwah kang samar, ingkang dihin tinitah, dining Hyang punika Naptu Ghaib, jatining Nur Cahya. Wijine mahluk sekalir, ashale saking Muhammad, Ruh Idhafi tersandane, Pangeran kang maha mulya, lan maleh cinarita kawulanira Hyang Agung malaikat ingkang mukarab. Ingkang dihin Jabarail, Mikail kaping kalihe, Israfil kaping tigane, ‘Izrail kaping sekawan, ingkang para Malaikat, sedaya tan kena itung, mau ingkang cinarita.
B.3. TAPEL ADAM
Akarya tapele Adam, kerana dipun wuwuhi, ing ngendut dadine sahwat, sekehe manusa sami, pakaryane tan dadi, yen datan klawan nafsu, nengge Tapele Adam, punika purwane dadi, cinarita sasapunira mangkana, milane sagung manusa, budine awarni-warni, ana becik ana ala, miyang rupa ireng lan kuning, ijo abang aputih, ana kasar ana lembut duk Tapel ira ing Adam,  keneng lali lan bilahi, hya Tapele asale bika rencana. Kang asal kamulanira, tinut ing kang kari-kari,  datan kena uwahana, anut tapele karihin, nginum klawan bukti, miwah pinter bodho nipun,  pan saking qudratullah, lara pati datang gingsir wus pinasti ing tulis Loh Mahfudlullah. Apan ta Allah Ta’ala nitahaken manusa luwih, sinung budi lan ikhtiar, luwih saking Ghairu Nathiq, manusa kang kafir, Malaikat tanpa nafsu, sinung budi kiwala, Allah nitahaken male, satu hewan sinung sahwat kiwala. Milane kang satu hewan, tanana ciptaneng male, amung turu lawan sahwat, anginum klawan bukti, datan anyipta male kang satu hewan mung iku, beda lawan manusa, sinung iling sinung lali, sinung puji patubat lawan sholawat. Luwih saking satu hewan manusa kang luwih adi, agenging derajat ira, sinungan seh angluwihi, saking Malaikat sami, lamun gede baktinipun, male ngurangi sahwat, iku manusa sinelir, Nabi Wali kakasih ira Hyang Sukma.
B.4. INTI PESAN MORAL DALAM KITAB LAYANG AMBYA’
Marga saking suka wirya, tan kena lara perihatin, marga luhuring derajat, saking andap ashor ugi, marganeng kang bilahi, saking lali wiyasipun.
B.5. NABI ADAM A.S.
Allah Ta’ala ngandika, dateng Malaikat Izrail, Mikail, Isrofil, lawan Jabaroil datan kari, sami kinen ngadepi, ing Tapel arsa tiniup, pinanjinganeng arwah, jabaroil den sedahi, ing kang nyawa winadahan Dulang Cahya. Risampunira mangkana, Tapel Adam den adepi, arsa pinanjengan nyawa, dining Hyang Kang Maha Suci, sinampurnaaken ugi, Nabi Adam raga nipun, nyawa sampun tinampa, tiniupaken tumuli, ing jerune tapele Baginda Adam. Tiniupan lan sasangka, dining Malaikat Jabrail, punang nyawa sanget susah, dining datan kena manjing, kalangkung gen arupit, nyawa matur ing Hyang Agung, ya Allah, Tapel Adam, tan kinging ambah panjingi, langkung peteng salebete Tapel Adam. Rinaksa dining Pangeran, sang nyawa sanget winardi, kinan manjinga inggal, sang nyawa sanget perihatin, dene lumuh tan kinging, sanget amardi Hyang Agung, saksana linampahan, Malaikat suka prasami, sejatine perihatin, nyawa jerih ing Hyang. Allah Ta’ala ngandika, karune nyawa sun werdi, panjinge ing Tapel Adam, weruha nira iya sami, yen sun pecata binjing, kaliwet den nira lumuh, saking pecating badan, risampunira lumaris, punang nyawa pinanjinaken Tapel Adam. Margane manjing gerana Baginda Adam awahing, kirang kukuh terping sira, alun ngandika Hyang Widi, Izroil den prapti, teraping shira sampun kukuh, Tapel Baginda Adam, kelangkung saking permati, angandika Allah Ta’ala maring Adam. Lah ta Adam anebuta, Alhamdulillahirobbil ‘alamin wahing ira, iya puji maring Mami, klawan nuli-nuli, sirah ira iya kukuh, nuli amaca ayat, sinahuran ing Hyang Widi, jawab ing Hyang Yaa Rohimakumullah. Risampunira mangkana, kang nyawa lastari manjing, ing garbane Tapel Adam, sang saya anrambahi, nugrahaneng Hyang Widi, manjing utek maring Khulqum, teka ing puser sumrambah, tanapih getih miyang daging, risaksana tumindak lajeng lumampa.
Mangkana wus pinepekan, ingaranan alam soghir, alam kabir katimbangan, lintang surya lawan sasi, miwa ing bumi langit, ‘aras kursi qalam eluh, pepek ning Nabi Adam, saking karsane Hyang Widi, anyata kun ing wujute Nabi Adam. Ing ngadep para Malaikat, ing kanan klawan kiri, gawok kang para Malaikat, ing kakasihe Hyang Widi, hya ta nebut para sami, Malaikat barokallahu, risampunira mangkana, wonten wirayate Nabi, Rasulullah Muhammadinil Musthafa. Ngucapaken linging sukma, kang dinadiaken karihin, iya kang salira Adam, iya ya sekehe jasmani, Adam Abi Basyari, kakasih ira Hyang Agung, ing kang kinadang gadang, cinadang suarga adi, kang kinarya khalifah ing dalem dunya. Risampunira mangkana, ngandika Hyang Maha Luwi, la Jabrail amunduta busana kang luwi adi, Malaikat Jabaroil, tumulya tumundut sampun, busana saking suarga, pepek sampun amiranti, saka prabon ing Ratu kang adi mulya. Kampuh klawan rasukan, panengset lancingan adi, sarta lawan makuta, pinatih ing rat nadi, tuhu kalamun linuwih, kekasih ira Hyang Agung Nabi Adam sinungan, wiwara ing budi luwih, nawa sanga wiwara ning Nabi Adam.
Arti ning punang wiwara, pelawangane dumadi, kang dihen iya pangucap, pamiharsa kaping kaleh, ping tiga grana kaleh, ing ngandap farji lan dubur, miyang salir panggahuta, iya terusaneng budi, Baital Makmur wiyase arta tinira. # Saking utek wedaling kang budi, iya iku gene wedaling duka, wedaling suka wiyase, pan iya saking laku, ana dene ingkang perihatin, medal saking wadana, ing sekatahipun, wedaling pitung perkara, anggahuta dinadiaken ing Hyang Widi, dununge panca deriya. Panggahuta karna lenge kaleh, apan iya marganeng miharsa, ingurip pakumpulane, weruh salire iku, panengale maring sajati, miwah ingkang gerana, panggahutanipun, pangambu salire ngambiya, ana dene gahutaneng lisan siji, sinedahanm pangucap. Iku wiwara kawan parkawis, kang wiwara ing ngandap, kang terus kaleh wiyase, tutup pangandap ipun, kang satunggal wiwara nginggil, ingkang menga tan menga, kapernah ing ngembun, wus jangkep pitung perkara, ingaranan winara punika malih, babahan nawa sanga. Puser jangkep kang wolung perkawis pingsangane, persasat ing tunggal kang minangka tataline, nafas kang manjing metu, iya iku talining urip, puji tan kena pegat, nafas sejatinipun, iku nugraha ning Sukma, maring Adam, ingkang yogya angaweruhi panjing suruping peja.
Amepeki khalifah Hyang Widi, wus jumeneng nama Nabi Adam gumilang gilang cahyane, lininggihaken sampun ing palangkan kencana rukmi, piturun saking suarga, palinggihan luhur, wiyar pitung puluh asta, amesagi pinatiking ratna adi, inten maniking tuya. Sinelanan jumanten widuri, nilapaka, jakumala mirah, beranang kumenyar senene, cahyanipun amancur, anelahi pitung suarga, sampunira mangkana ngandika Hyang Agung, dateng sekehe Malaikat, lha sujuda sira ing kakasih Mami, Adam Kholifatullah.
Sekatahe Malaikat sami, angestaken kersane Hyang Sukma, ajrih lenggane karsane, Malaikat sampu sujud, maring Nabi Adam linuwih, saking karsane Sukma, prasamya asujud, anging ta wanten satunggal kang tan sujud maring Adam nama Idajil, tan ayun asujuda. Dahat langgana karsa Hyang Widi, sang idajil seri’ manahira, maring Adam weru asale, sang Idajil takabur, riyanira sajeruning ati, sampunira mangkana dukaneng Hyang Agung, maring Idajil sinung laknat, dinadeken, kafir ana ing yamani, Idajil Iblis laknat. Wus pinasti kersaneng Hyang Widi, sang Idajil, Iblis laknatullah, angridu Adam turune, mangkana kang winuwus, sakatahe Malaikat sami tanana kang lenggana, ing karsa Hyang Agung, ngidep mareng nabi Adam, sekatahe Malaikat kang pitung keti sareng sujud sedaya. Satus tahun lami nira neggi, para Malaikat, sujud marang Adam, mangkana ta pernatane, Malaikat gene sujud tan sumilih batuk marang bumi, ingaranan sujud hormat, sampun satus tahun, satangi nira Malaikat, saking sujud aningali maring Idajil, tan melu sujud hormat, sareng ngucap kang Malaikat sami, sedayane maca ‘Audlubillahi, sarta syukur ing sujude marang Allah kang Agung, kaping kaleh hormat ing Nabi Adam panjenengira, saking Hyang Kang Agung, ajrih yen tan ngelakanana, Malaikat ningali Idajil ajrih, dining angsal dadukan.
Sampunira mangkana sang Iblis, sinung laknat ing Allah Ta’ala, ing ngawahaken rupane, sasore awonipun, rupanira sang laknat Iblis, hya ta Iblis Angrasa, ing sajeruning kalbu, yen wus pasti takdir ing Hyang, angandika Pangeran kang Maha Suci maring Iblis la’natullah. Lah ta paran sira laknat Iblis, ora sujud marang nabi Adam, sapa kang nyegah sujude, sang iblis alun matur, Yaa Pangeran kang maha luwih, mboten wanten kang nyegah, parmila tan sujud, ambah dateng Nabi Adam dene asal Adam andap cemer uni, kamulan saking lemah. Amba Tuan titahken rumihni, saking api tur amiwa cahya, pan Adam siti asale, kamulan amba luhur, mila amba sujud tan apit, dateng Baginda Adam andika Hyang agung, sira langgana maring wang, Iblis la’nat sun dadeken guru kafir, aneng dasar neraka. Aturipun Iblis ing Hyang Widi, anging amba naneda ing Tuan, sampun pejah selamine, binjing kawula lampus, sareng rusak kelawan bumi, mantuning jagat dunya, lawan mali ipun, kang amba teda ing Tuan, wenangana amba punika ing binjing, ajak maring neraka. Dateng anak putu Adam binjing, amba ajak melebet neraka, sarenga amba ing tembe, kang lampah bakti besuk, wenangana nyegahi, Allah Ta’ala nabda, yen anut pangridu, kalamun kawula ning wang, sira guda rencana datan gumimpir, sun cadang ing suarga. Langkung suka manahi sang Iblis, dene angsal wawenang Sukma, ang rencana  ing lampahe, sapakarti jinurung, Iblis nora kena ing pati, sampunira mangkana, Nabi Adam sinung, dining Hyang busana indah, luwih mulya panganggo saking suarga, tan kena amarnaha. Saya wuwuh kamulyaneng adi, apideksa, rinengga busana, abagus mancur cahyane, anedahi sitang su, kadiwulan purnama sidiq, Nabi Adam ingayap , kang Malaikat ‘ayun, sami angapit ing Adam, galihara semune rakitan aring, ingadep kang Malaikat.
C.    TANDA – TANDA AREP TEKANE DINA KIAMAT
Eh binjing, ing sapungkur mami, Jabarail, tumurun ing dunya, tan nurunaken wahyune, turune amamundut, saking karsa nira Hyang Widi, ping sadasa parkara, iku kang pinundut, kang dihin ngadiling Nata, lawan malih, mundut wirange wang estri, lan tapaning Ulama. Lan amundut, barkatira ing bumi, wirangine, Pandita ingalap, wang miskin ngambil sukure, ingkang sugih pinundut, ing lomane dadi akikik, miwah fekir miskin, sabare pinundut, lan malih amundut iman, malah-malah, kitab Qur’an den alapi, iku nuli kiamat
D.    PERISTIWA AKHIR HAYAT NABI MUHAMMAD SAW.
Nabi Duta, angandika aris, eh Fatimah, sapa minta lawang, Fatimah mariksa age, Sang ratna duk andulu, maring wang kang aminta kori, arupa wang Arbiyah, dedeke aluhur, Fatimah ebat tumingal, nulya wangsul, umatur dumateng Nabi, wang kang minta lawang. Wang Arbiyah, dedeke ahinggil, angandika, jeng Nabi Musthafa, lah iya ta sapa wange, ingkang putra umatur, amung Allah ingkang ngudani, klawan kang utusan, Nabi aris muwus, lah iku nak ing wang, dutaning Hyang, nama Malaikat ‘Izrail, kinon amundut nyawa. Iya iku, yen sira tanuning, ingkang misah, ing wang sasanak, miwah laki lan rabine, kang misah Rama Ibu, kang angalap pakenak nini, iya iku margi nira, babo putra ningsun, nora anduweni Rama, wayahingsun, Hasan Husen temah kalih, jaler datan paeyang.
Eh Sahabat, ing wang umat mami, pada nora, darbeni panutan, ‘Izrail iku praptane, amundut nyawa ningsun, lah undangen kang eneng kari, wau wus ingajaran, ‘Izrail malebu, marek sarwi asung salam, salaming Hyang, dumateng ing Tuan Nabi, pinten-pinten sahing Hyang. Pinten-pinten nugrahaning Widi, prapta ing Tuan, miwah umat Tuan, wusing jinawab salame, Nabi aris amuwus, eh ta sanak amba ‘Izrail, Jabarail mitra ning wang, punapa tan tumut, ‘Izrail alon angucap, lagya munggah, Jabarail dateng suarga lan sakehing Malaikat. Pitung langit, Malaikat pra sami, angantosi, dateng nyawa Tuan, Malaikat angiring kabeh, inggahing suarga luhur, wau Nabi ngandika aris, yen Tuan kinon ngalap, dateng nyawa ningsun, lah ‘Izrail dipun inggal, karsaning Hyang, gung dumawuh maring mami, ‘Izrail aris ngucap. Inggih amba ingutus Hyang Widi, kinon mundut dateng nyawa Tuan, Nabi punapa karsane, yen Tuan ken awangsul, yakti amba mangke abali, matur dateng prapta, ngandika jeng Rasul, pened Tuan inggalna, karsaning Hyang, Jabarail nulya prapti, sarwi ngaturi salam. Sinahuran dening kangjeng Nabi, Jabarail, wus ngaturan lenggah, pinarek aneng sandinge, Nabi duta amuwus, eh ta sanak amba Jabarail, dening ta Tuan wikan, yen ‘Izrail rawuh, ingutus dening Pangeran, arsa mundut, dumateng ing nyawa mami, Jabarail angucap. Inggih mila, nipun amba uning, saking Malaikat, langit sapta, amengakaken pintune, langit kang tunda pitu, Malaikat samya ngantosi, dumateng nyawa Tuan, apan ridlo sampun, mahesi suarga Tuan, sahingsine, suarga arsa ningali, inggahing nyawa Tuan.
Linge Nabi, eh Jabarail, kadi pundi, ing sapungkur amba, polahe kang umat kabeh, wonten asholat besuk, lawan wonten Qur’an ingaji, puasa ing Ramadlan, Jabarail muwus, sampun Tuan walang deriya, nugrahaning, Pangeran pan wonten binjing suarga kaserah ing Tuan. Sadayane, kaserah Tuan binjing, boten kaserah, mering Nabi kang liya, Tuan pilihana kabeh, yen Tuan sampun mundut, umat Tuan sampun aradin, maring suarga nira, ing salangkungipun, umat Tuan pasrahna, kang suarga, dumateng kang para Nabi, umate sowang-sowang. Pangandika nira Nabi aris, lah ‘Izrail, alapen den inggal, nyawa ningwang aja suwe, ‘Izrail majeng sampun, nulya lungguh ngulon kapereng, winiwitaning ngandap, angrahos kalangkung, Nabi naneda ing Pangeran, trapna ing sun, sakehing laraning pati, sampun umat Muhammad. Tatkala, pinarak kangjeng Nabi, aningali, Sahabat sadaya, maring wadanane kabeh Sahabatsami matur, aneneda sukanira, den asami kawelasana dening Hyang Widi, antuka kaluwihan. Risampunira, mamekas jeng Nabi, asta tengen, sidakep ing jaja, sarwi osik ing galihe, sakehe umatingsun, danganena laraning pati, asta kiwa tumumpang, arih ingkang pupu, kang lathi osik ngandika, umatingsun, muga sampurnaha sami, kasihana dening Hyang. Risaksana Malaikat ‘Izrail, mundut nyawa, duk wontening jaja, Nabi arere dikire, wanter sadangu nipun, sumrah dateng sungsum meyang daging, Nabi dulu Sahabat, lah den becik aneda pangapura. Malaikat, ingkang pitung langit, samya methuk nyawaning utusan, Malaikat muqarab kabeh, sabekelan selewar gung Malaikat kang pitung kethi, ngabeki ingawiyat, amapag tumurun, praptane panthan-panthan, sampun menga, sagunge lawang suarga, Widadari ngahesan. Wus pinundut, nyawaning jeng Nabi, deyan binakta, minggah ingakasa, sakeh asya nangis kabeh, ingkang cahya sumunu, iya nerus pitung partiwi, nerus, kang pitung kasa, sajagat bek enur, miwah kang sela partala, punang nyawa, mantuking kahanana jati, aneng luhure ngaras.
Para Sahabat, samya aningali, dateng cahya, duk minggah ing kasa, pra samya anangis kabeh, sasambatnya melas ayun, dening nora awet jeng Nabi, mawang mong para umat, paran polahipun, kang umat-umat sadaya, sapa baya, madangna manah rusit, binjing sapungkur Tuan. Kang winarna, ramening kang tangis, sahingsine, dalem Rasulullah, Bu Bakar tambuh pulahe, manah kalangkung ngungun, sasambating amelas asih, miwah Umar lan Ustman, nangis amlas ayun, Baginda Ali karuna, aduh gusti sinten kang amba tedani, wulang yen wonten karya. Deyan ‘Aisyah, Fatimah anangis, kayu watu, hewan sasuketan, memanukan nangis kabeh, bumi langit amuhun, arem, surem tejaning rawi, miwah tejaning wulan, sadaya asamun, ilang tejaning trenggana, tanpa cahya, pan samya getane ingsih, tinilar ing panutan. Tahun wawu mapade jeng Nabi, sasi mulud, tanggal kalih welas, ing dina istnen injinge, warsa jawa ngitung sirah catur tigang tenggek, kalih tusan lima, won sirna tatkala kinubur, dina arba’ ning Madinah ingkang yuswa, mung sawidak tigang warsa, tamat wallahu a’lam.
D. DO’A PENUTUP KITAB LAYANG AMBYA’
Sampun ba’da kangjeng Nabi, Shollallahu, ‘alaihimus salam, kang anut Nabi umate, angsal asih Hyang Luhur, sinungana safa’at Nabi, Muhammad kang minulya, sarta Sahabat Rasul, lan kula warga sadaya, nawa bana, barkate kang para Nabi, Sholeh para pandita. Sinungana, karamating wali, maunahe, mu’min lan sasama, angsala ing andungane, ingkang maca angrungu, caritane laluhur Nabi, kang estu amanutan, dateng kangjeng Rasul, oleh ugrahaning Sukma, dunya heart, sinungan iman kang Suci, tansah brawangta ing Pangeran.(Rahmat Dasy)